Këshillimi Smart - Prodhimi i qumështit

Sfidat e prodhimit të qumështit në Shqipëri

Shqipëria ka një potencial mjaft të mirë për zhvillimin e blegtorisë në të gjitha rajonet kodrinore dhe malore, të cilat janë karakteristike për këtë lloj veprimtarie. Qumështi është një produkt bazë për konsumim familjar, ku rezulton një konsum prej rreth 315 litra/frymë/vit, në krahasim me rreth 180 lit/frymë që është mesatarja e BE-së. Kërkesa për qumësht paraqitet me luhatje të mëdha, gjë që ka sjell import të lëndës së parë dhe rreth 40% të atij të përpunuar (djathëra, gjalpë, qumësht i pasterizuar etj).
Prodhimi i përgjithshëm i qumështit është 970 mijë ton dhe 85,05% e tij vjen nga lopët, ndërkohë që është përllogaritur një nevojë prej 1.7 milion ton qumësht. Sektori i qumështit në Shqipëria është përballur me sfida të tilla si praktikat e vjetruara bujqësore, mungesa e infrastrukturës moderne, dhe standardet jokonsistente të cilësisë së qumështit. Këto sfida kanë prekur sektorin konkurues dhe aftësinë e tij për të përmbushur standardet e cilësisë dhe sigurisë së Bashkimit Evropian.
Shqipëria është një importuese e ushqimeve proteinike për blegtorinë. Pavarësisht se Shqipëria kultivon grurin, misrin, elbin për blegtorinë, volumet e tyre nuk janë të mjaftueshme për ushqim, për blegtorinë dhe cilësia e tyre lë për të dëshiruar. Shqipëria importon rreth 100,000 ton ushqim për kafshët me vlerë rreth 50 milion USD.

Eficienca e një ferme blegtorale

“NOA Financon, NOA Këshillon”