NOA sh.a është një shoqëri aksionere pjesë e grupit NCH Capital, ABI Bank dhe Tranzit shpk.
NCH Capital është një nga investitorët më të mëdhenj dhe të mirënjohur amerikanë me mbi 3 miliardë dollarë nën administrim. Duke filluar nga viti 1992, NCH Capital ka krijuar një eksperiencë të gjatë në Europën Lindore me projekte dhe investime të rëndësishme në Rumani, Bullgari, Angli, Greqi, Ukrainë, Letoni, Moldavi, Serbi, Mal i Zi, Kroaci, Rusi, Brazil dhe Shqipëri.
NCH Capital është i regjistruar me autoritetet më prestigjoze mbikqyrëse Amerikane (Securities and Exchange Commission).
Në fushën financiare NCH Capital ka patur një përvojë të gjatë dhe të suksesshme në administrim bankash, shoqëri sigurimesh dhe institucione financiare në Rumani, Moldavi, Letoni dhe Shqipëri. Në vitin 2007, NCH Capital filloi investimet në Shqipëri duke krijuar zyrën rajonale për Ballkanin Perëndimor dhe Greqinë.
Për më shumë informacion rreth NCH Capital, ju lutem drejtohuni www.nchcapital.com
Tranzit është licencuar nga Banka e Shqipërisë për të ushtruar aktivitetin si Institucion Financiar Jo Bankë më datë 04.08.2010 me Licence Nr. 20. Kompania ofron mundësi financimi, leasing, faktoring, administrimin e detyrimeve jo-performuese dhe në vonesë.Tranzit është shoqëri e zotëruar nga Moscopole INC. dhe dy fonde investimi të administruara nga NCH Capital, të cilët janë investitorë të mirënjohur Amerikan në rajon dhe më gjerë.
Suksesi i Tranzit mbështetet në teknologjinë e përparuar të informacionit, ekipin e dedikuar dhe të specializuar, dhe me kapacitetet analitike dhe vendim-marrëse. Kjo ka ndihmuar në rritjen e vazhdueshme të kompanisë në 14 vitet e aktivitetit të saj duke mundësuar sot që Tranzit të jete kompania lider ne tregun e menaxhimit të ekspozimeve të këqija.
Kompania ka një staff prej 45 profesionistësh të dedikuar që administrojnë një total asetesh në vlerë nominale prej 150 milion EUR dhe një portofol klientësh mbi 150,000 individë dhe biznese, te shtrira në të gjithë Shqipërinë.
Të gjitha të dhënat në lidhje me kompaninë mund të gjënden në faqen zyrtare të Qendrës Kombëtare të Biznesit (QKB) https://qkb.gov.al/ me Nipt K91624020M.
Në NOA investohemi shumë që çdo koleg, njësi, degë e strukturë të mos pengohet në aktivitetin e tyre për shkak të ngurtësive institucionale. Përpos organigramës rregulluese sipas së cilës ndahen departamentet e institucionit, i gjithë ekipi i NOA përkrah një kulture koorporative të sheshtë ku çdokush, dhe në çdo kohë, mund të propozojë çdo lloj përmirësimi në arritjen e objektivave. Ne përpiqemi të jemi fleksibël në strukturën tonë organizative duke u përshtatur në mënyrë konstante projekteve madhore të kompanisë, zhvillimeve të tregut apo risive teknologjike më të fundit.
-
Herjola Spahiu
Drejtor I Përgjithshëm Ekzekutiv
-
Brunilda Isaj
Drejtor Ekzekutiv i Biznesit
-
Albana Pelinku
Drejtor Ekzekutiv i Riskut & Përputhshmërisë
-
Ariola Çela
Drejtor Ekzekutiv i Financës
Herjola Spahiu
Mbi 22 vjet përvojë në planifikimin strategjik, retail dhe marketing, zhvillim organizativ dhe menaxhim projektesh në sektorin bankar dhe financiar.
Karriera e saj e hershme në sektorin bankar u promovua në pozicione si Drejtor i Retail dhe Marketing (9 vjet) dhe Operacioneve dhe Financave si COO (3 vjet), gjatë së cilës ajo drejtoi disa projekte të rëndësishme transformimi për bankën, si: Migrimi i plotë tek FlexCube, Modeli i ri i biznesit për Degët Retail, Modeli i Riskut të Retail, Prezantimi i Kartave të Kreditit, krijimi i Departamentit të Aseteve të Rikuperimit, etj.
Në prill të vitit 2014, znj. Herjola Spahiu mori drejtimin e NOA sh.a, një Institucion financiar jobankë në Shqipëri i themeluar nga USAID në vitin 1998, si Drejtor Ekzekutiv dhe Nënkryetar i Këshillit Administrativ. Gjatë këtyre 10 viteve në industrinë e mikrofinancës, ajo është fokusuar në mbrojtjen e misionit afatgjatë të NOA-s në mbështetjen financiare të sipërmarrësve të vegjël, fermerëve dhe agroturizmit, familje që synojnë të përmirësojnë jetën e tyre dhe të rrisin bizneset e tyre në Shqipëri. Ajo ka ndërtuar një ekip të fortë drejtuesish të lartë, të aftë për të udhëhequr biznesin dhe për të arritur rezultate të larta, së bashku me një transformim të plotë të Institucionit për të miratuar praktikat më të mira të Qeverisjes Korporative, duke siguruar që kompania të funksionojë në përputhje të plotë me kuadrin ligjor dhe rregullator, Kodin e Sjelljes dhe Parimet e Mbrojtjes së Konsumatorëve. Gjatë vitit 2022 - 2023, ajo gjithashtu ka udhëhequr dhe ka arritur me sukses hapjen e një institucioni financiar jobankar në Kosovë (filial i NOA-s), duke përmbushur edhe ëndrrën e menaxhmentit për një zgjerim rajonal.
Në frymën e avokimit dhe promovimit të rolit të sektorit mikrofinanciar në ekonominë shqiptare, znj.Spahiu ka mbajtur postin e Kryetares së Shoqatës Shqiptare të Mikrofinancës në periudhën 2015-2016. Nga viti 2021 e në vazhdim, ajo është Anëtare e Bordit të Rrjetit Evropian Mikrofinanciar (Bruksel) dhe Anëtare e Bordit Këshillimor të Forumit Ekonomik Ballkanik.
Znj. Spahiu u diplomua në Administrim Biznesi dhe mban diplomë Ekzekutive (EMBA) nga International Hellenic University, Greqi. Në vitin 2018 ajo mori pjesë në "Udhëheqja Strategjike në Përfshirjen Financiare" nga Harvard Business University dhe së fundmi, ajo u certifikua si Eksperte në ESG dhe Impact Investing.
