Këshillimi Smart - Mekanizimi sjell suksesin në bujqësi

Në Shqipëri në dispozicion të bujqësisë operojnë vetëm 10,241 traktorë me rrota, 5,984 mini-traktorë, 4,417 makina mbjellëse dhe 698 autokombanja, pra një nivel mekanizimi shumë i ulët. Konkretisht vetëm një traktor për 67 ha tokë bujqësore (pa përfshirë kodrinat) dhe një autokombajnë për 416 ha kultura arrash (drithëra). Ndërkohë që sipërfaqja me bimë arrash, perime, serra dhe bostanore është 469,336 ha, dhe numri i pemëve frutore, ullishte, vreshta, agrume është 38 milion rrënjë.

Traktorët janë të prodhuar më shumë se 20 vite më parë, me një teknologji të vjetër, shumica janë traktorë dhe mjete të importuara të përdorura (jo marka perëndimore). Nga numri i traktorëve në punë vetëm rreth 2000 traktorë plotësojnë kriteret e BE-së për t’u shfrytëzuar me efiçencë në punimet bujqësore. Rreth 54 % e familjeve fermere përdorin mjetet e mekanizuara për punimin e tokës, për kultivimin dhe vjeljen e bimëve. Shqipëria përdor me eficencë mesatarisht 1.24 traktorë për 100 ha tokë të punuar. Ndërsa Maqedonia e Veriut 6 traktorë, Greqia 6.6 traktorë, Italia 13.2 traktorë, shtetet e Bashkimit Evropian 8.1 traktorë për 100 ha tokë.

RËNDËSIA E INVESTIMIT NË MEKANIKË BUJQËSORE
Mekanizimi ka revolucionarizuar operacionet në fermë dhe i ka mundësuar fermerëve të kryejnë detyrat në mënyrë më efikase dhe efektive. Përdorimi i makinerive të tilla si traktorët, autokombanjat dhe agregatet e ndryshme reduktojnë punën manuale dhe rrisin shpejtësinë e operacioneve. Ky përdorim rezulton në rritje të rendimenteve dhe ulje të kostove të prodhimit.
Mekanizimi ka shumë përfitime në bujqësi dhe disa prej tyre po i listojmë si më poshtë:
• Rritja e Efikasitetit. Mekanizimi u mundëson fermerëve të punojnë në mënyrë më efikase dhe më të shpejtë se sa mund të përdorin metodat tradicionale.
• Përmirësim të cilësisë së punës. Mekanizimi ka përmirësuar edhe cilësinë e punës në bujqësi.
• Reduktim të kostos së punës. Mekanizimi minimizon nevojën për punë manuale, e cila mund të jetë e shtrenjtë dhe kërkon kohë.
• Ruajtje më e mirë e burimeve. Mekanizimi ka çuar gjithashtu në ruajtje më të mirë të burimeve natyrore si uji dhe toka.
• Rritja e aksesit në tregje. Së fundi, mekanizimi u mundëson fermerëve të arrijnë tregje më të gjëra duke rritur kapacitetin e tyre prodhues dhe duke përmirësuar cilësinë e prodhimit të tyre.

“NOA FINANCON, NOA KËSHILLON”