14.12.2021

Prodhimtaria e mollëve dhe tregjet potenciale të eksportit

Që prej themelimit në vitin 1998 dhe deri më sot, NOA i shërben një objektivi unik: zhvillimit financiar dhe ekonomik të Shqiperisë. Duke financuar ngritjen dhe zgjerimin e aktivitetit të bizneseve dhe të fermerëve shqiptarë, NOA synon të kontribuojë drejtëpërsëdrejti në përmirësimin e cilësisë së jetesës për mijëra familje që përfitojnë nga rritja e të ardhurave, nga vendet e reja të punës, nga rritja e aktivitetit ekonomik, si në qytetet ashtu në zonat rurale të vendit.

Kultivimi i mollëve në Shqipëri

Në Shqipëri janë të mbjella rreth 14 milion rrënjë pemë frutore, ku peshën kryesore e zë molla. Molla kryesisht kultivohet në rajonin e Korçës dhe Dibrës. Sipërfaqja e tokës së kultivuar me mollë është rreth 4,500 ha me një prodhimtari në shkallë kombëtare rreth 120,000 ton mollë. Aktualisht në Korçë kultivohen rreth 2.5 milion rrënjë mollë me një rendiment mesatar 32 ton/ha dhe maksimal rreth 60 ton/ha. Varietetet kryesore që prodhohen në sasi të mëdha janë Golden Delicious, Granny Smith, Starking, Red Chief dhe një sasi e vogël janë të varieteteve Fuji, Gala etj. Në Qarkun e Korcës operojnë rreth 70 frigoriferë ruajtës së mollës me nje kapacitet rreth 25,000 ton, në Qarkun e Dibrës operojnë 4 frigoriferë ruajtës me një kapacitet 1200 ton.

Trendi i eksporteve të mollës në botë

-Emiratet e Bashkuara Arabe po importojnë më shumë mollë se zakonisht, ndërkohë që Dubai tani po pret ekspozitën   më të madhe në botë - Expo 2021 (shtyrë për një vit për shkak të pandemisë COVID-19). Kjo ekspozitë tërheq         shumë turistë nga e gjithë bota dhe do të zgjasë deri në fund të Marsit 2022. Kërkesa e Emirateve të Bashkuara A A     Arabe për mollë do të rritet ndjeshëm gjatë kësaj kohe dhe kjo është një mundësi e shkëlqyer për eksportuesit e   mollëve nga Europa Jug-lindore, të cilët kanë treguar potencialin e tyre ndaj këtij tregu.

-Të dhënat statistikore paraqesin një rënie të prodhimtarisë së mollëve në SHBA dhe kjo mund të lehtësojë presionin   mbi çmimet e mollëve në tregjet fitimprurëse për eksportuesit e mollëve, si Lindja e Mesme dhe Azia Juglindore.

-Rritja më e madhe e importeve të mollëve të freskëta në këtë sezon (Gusht 2020-Korrik 2021) paraqitet në Indi.   Vëllimi i eksporteve të mollëve në Indi gjatë sezonit arriti në 403.4 mijë tonë, duke u dyfishuar në krahasim me   sezonin 2019/20. Rekordi i mëparshëm për importet e mollëve në Indi ishte vendosur në sezonin 2016/17, kur   furnizimet kaluan 357 mijë tonë.

-Vëllimi i eksportit të mollës nga Turqia u rrit me 47% në sezonin 2020/21 (gusht-korrik) njëherësh – gati 1.5 herë   dhe arriti në 298 mijë tonë. Gjatë pesë viteve të fundit, Turqia ka rritur tashmë eksportet e saj të mollëve me 3.5   herë - me 185 mijë ton. Eksportet e molles nga Turqia vazhdojnë të rriten me të njëjtin ritëm të lartë në sezonin e ri   2021/22. Në veçanti, Turqia ka eksportuar tashmë 34.4 mijë ton mollë në gusht-shtator 2021 – 1.5 herë më shumë   se në të njëjtën periudhë të sezonit të kaluar.

-Rusia rriti ndjeshëm importet e saj të mollëve në krahasim me shtatorin 2020. Rritja kryesore e eksporteve të   mollëve në Rusi në shtator 2021 u vu re pikërisht nga Moldavia, e cila u dyfishua dhe arriti në 19.4 mijë tonë.   Ndërkohë që Turqia, nga ana tjetër, vazhdoi të rrisë eksportet e saj të mollëve në Rusi, ku në shtator 2021 ishin 23%   më të larta se në të njëjtin muaj të vitit 2020.

Këshillime të tjera