NOA certifikohet sipas standardeve më të larta të Mbrojtjes së Konsumatorit!

Si pjesë e përgjegjësisë së saj korporative, NOA certifikohet nga MFR – MicroFinanzaRating sipas standardeve më të larta ndërkombëtare në “Client Protection Certification” – “Çertifikata e Mbrojtjes së Konsumatorit”.

Në këtë proces certifikimi, NOA mori vlerësimin e lartë ‘Silver – Argjend’, në ruajtjen e standardeve në ofrimin e produkteve financiare. Këto standarde mbulojnë dimensione të ndryshme që nga mbrojtja e të dhënave të klientëve, transparenca e produkteve, mundësia për ankimim, mbrojtja nga mbi-kreditimi, cilësia e shërbimit e një sërë dimensionesh të tjera.

Pas përzgjedhjes nga UNDP si një nga një nga tre finalistet e kategorisë së bizneseve të mëdha me mbi 250 punonjës, në promovimin e standardeve të ESG në Shqipëri, ky certifikim i radhës dëshmon angazhimin serioz të NOA-s për të qënë një lider rajonal i një #FinanceNjerëzore. Një model i përgjegjshëm, social, që vendos theksin tek cilësia e shërbimeve të ofruara dhe po aq tek impakti, duke garantuar gjithmonë që komunitetet dhe përfituesit fundorë të marrin më të mirën.

Certifikata e Mbrojtjes së Konsumatorit konsiderohet si një ndër certifikimet më të larta dhe thelbësore në sektorin mikrofinanciar në botë. Ky vlerësim i NOA u mundësua nga bashkëpunimi me Proparco, pjesë e Agjencisë Franceze për Zhvillim, ku Znj.Mélody SANG, Head of Technical Assistance & Blending, shprehet si më poshtë për këtë certifikim:

“Në Proparco ne suportojmë institucionet mikrofinanciare të cilat ofrojnë praktika sociale të përgjegjshme që japin impakt madhor në familjet shqiptare. Ndaj, ne jemi krenarë të shohim angazhimin e partnerit tonë NOA, e cila është akredituar dhe shpërblyer me vlerësimin Silver në rrugën drejt Mbrojtjes së Konsumatorit. Shpresojmë që ky certifikim që NOA ka marrë do të udhëheqë edhe institucionet e tjera mikrofinanciare drejt këtij rrugëtimi."