Balkan Economic Forum 2023

• 

  Mbështetës

• 

  Rajoni dhe Shteti

  Ballkani Perëndimor, Shqipëria

• 

  Stafi i përfshirë

  2 persona

• 

  Rëndësia

  E madhe

• 

  Data e fillimit

  01.10.2023

• 

  Data e përfundimit

  17.11.2023

Qëllimi i projektit

Forumi Ekonomik Ballkanik është një iniciativë që synon të krijojë dhe zbatojë metoda të reja dhe zgjidhje kreative për çështjet aktuale ekonomike të vendeve ballkanike në mënyrë që të promovojë rritjen ekonomike, bashkëpunimin rajonal, paqen dhe sigurinë. Forumi Ekonomik Ballkanik mbledh së bashku drejtues biznesi, liderë ndërkombëtarë, zyrtarë qeveritarë, akademikë, studentë dhe institucione financiare me synimin për të krijuar diskurs në përgjigje të qëllimeve të listuara më sipër.

Ndërsa jemi në dekadën e tretë të shekullit të 21-të, rajoni i Ballkanit ka nevojë për një konsensus të ri zhvillimi, i përkushtuar për reduktimin e pabarazisë, zbatimin e politikave më të forta makroekonomike kundërciklike dhe nxitjen e diversifikimit të prodhimit dhe eksportit – duke përfshirë një transformim të madh dixhital. Konsensusi duhet të përshpejtojë një integrim rajonal të depolitizuar, të shtyjë përpara axhendën mjedisore ndërkombëtare dhe të rinovojë angazhimin e rajonit ndaj demokracisë.

Komisioni Evropian përshëndeti angazhimin e shprehur në samitin në Sofje nga liderët e Ballkanit Perëndimor (nëntor 2020) për të forcuar më tej bashkëpunimin rajonal si një mënyrë për të avancuar në rrugën e tyre evropiane. Përgjigja pozitive e rajonit ndaj Planit Ekonomik dhe të Investimeve, angazhimi i tij për lidhje të zgjeruara dhe miratimi i iniciativave kyçe si krijimi i një Tregu të Përbashkët Rajonal, fillimi i një Axhende të Gjelbër për Ballkanin Perëndimor dhe mbështetja e mëtejshme për integrimin e romëve do të ndihmojë në përshpejtimin e rimëkëmbjen pas pandemisë duke nxitur rritjen e qëndrueshme ekonomike.

Ngjarja organizohet për të mbështetur zhvillimin dhe zbatimin e strategjive inovative dhe zgjidhjeve kreative për sfidat aktuale ekonomike me të cilat përballen vendet e Ballkanit për të stimuluar rritjen ekonomike e cila, nga ana tjetër, forcon bashkëpunimin rajonal, paqen dhe sigurinë. Ndërsa nuk ka rrugë të shkurtra drejt zhvillimit, është ngushëlluese të dimë se ka shumë rrugë që mund të çojnë drejt suksesit ekonomik. Për sa kohë që ekonomitë e Ballkanit kanë një angazhim të vërtetë ndaj rritjes dhe përfshirjes, janë të gatshme të mësojnë nga sukseset e vendeve të tjera dhe t'i përshtatin mësimet e nxjerra me realitetet e tyre ekonomike dhe politike, do të ketë shumë rrugë drejt zhvillimit.

​Me një prezencë në Kosovë dhe Shqipëri, NOA zgjodhi të ishte partner strategjik i forumit të organizuar në Shqiperi si dhe organizator i një prej paneleve më të rëndësishëm: AGROTECH – NJË MUNDËSI DHE SFIDAT QË KEMI PARA!

Ju ftojmë gjithashtu të shikoni edhe Balkan Economic Forum 2022 të organizuar në Shkup në këtë link.