Këshillimi Smart - Rëndesia e njohurive në përzgjedhjen e traktorit

Rëndesia e njohurive në përzgjedhjen e traktorit

Blerja e një traktori është një vendim i rëndësishëm që kërkon shqyrtim të kujdesshëm të nevojave dhe rrethanave të fermës. Duke vlerësuar këta 8 (tetë) faktorë: qëllimin, fuqinë, madhësinë e fermës, efikasitetin në konsum karburanti, lidhjet me agregatet, komoditetin, mirëmbajtjen dhe buxhetin, fermeri arrin të bëj zgjedhjen e duhur që të përmirësojë operacionet bujqësore. Këtu janë arsyet kryesore pse njohuria është e rëndësishme:

1). Zgjedhja e Traktorit të duhur

- Kërkesat për kuaj-fuqi (HP). Njohja e HP-së së kërkuar për operacionet në fermë parandalon blerjen e një traktori të pafuqishëm ose të mbifuqishëm. Përzgjedhja e fuqisë së traktorit sipas nevojave të fermës suaj duhet të niset nga:
- Kuajfuqia (HP) ka rëndësi. Një fermë e vogël (0.5-1.5 hektarë) i nevojitet një traktor 20-30 HP, ndërsa fermat e mëdha kërkojnë 50+ HP.
- Transmesioni 4WD është më efikas për terrene të vështira dhe operacione të rënda, ndërsa 2WD është i përshtatshëm për tokë të sheshtë.
- Konsumi i karburantit ndihmon në zgjedhjen e një traktori që minimizon kostot operative.
- Lloji i transmisionit. Kuptimi i ndryshimit midis ndërrimit manual, hidrostatik ose fuqisë ndihmon në zgjedhjen e duhur bazuar në lehtësinë e përdorimit dhe ngarkesën e punës.
- Mbështetje për markën dhe kompaninë ofertuese. Disa marka kanë disponueshmëri më të mirë të pjesëve të këmbimit, mbështetje shërbimi dhe siguri në garanci.

2). Përputhja e agregateve me traktorin
- Përputhshmëria. Jo të gjitha pajisjet përshtaten me të gjithë traktorët prandaj njohja e vlerësimit të PTO (Fuqia rritëse) dhe sistemit hidraulik ndihmon në zgjedhjen e pajisjeve të përputhshme.
- Pesha dhe kundra-peshat. Agregatet duhet të përputhen me kapacitetin e peshës së traktorit për të shmangur përmbysjen ose sforcimin e tepërt.
- Efikasiteti. Agregati i duhur kursen karburant dhe kohë, duke rritur produktivitetin.

Cilat janë markat prestigjoze të traktorëve?

Përzgjedhja e markave më të mira të traktorëve varet nga nevojat  specifike të fermës, pozicioni gjeografik ose përdorimi industrial. Më poshtë po listojmë disa marka kryesore të njohura për cilësinë, performancën dhe besueshmërinë e tyre:
1). John Deere (SHBA). Më e mira për bujqësi në shkallë të gjerë, qëndrueshmëri dhe teknologji të avancuar.
2). New Holland (Itali/SHBA). Më e mira për bujqësi të gjithanshme dhe përballueshmëri.
3. CASE (SHBA). Më e mira për bujqësi me fuqi të lartë dhe teknologji precize.

“NOA Financon, NOA Këshillon”