Këshillimi Smart - Trendi i domates në BE gjatë 10 vjeçarit të ardhshëm

Parashikimi i trendit të domates në BE gjatë 2025-2035

Trendi i domates në Bashkimin Europian po pëson ndryshime të dukshme, të ndikuar nga ndryshimet në prodhimin, konsumin dhe dinamikën e tregtisë.
Prodhimi. Deri në vitin 2035, prodhimi i domateve për konsum të freskët parashikohet të bjerë. Rënia e prodhimit të domates është ndikuar kryesisht nga rënia e prodhimit dimëror, efekte nga ngrohja globale si dhe një zhvendosje drejt domateve të vogla, të cilat kanë vëllim më të ulët, por vlerë të shtuar më të lartë.
Domatja e përpunuar. Prodhimi i domates për përpunim pritet të rritet në rreth 11.6 milionë ton, e nxitur kjo nga kërkesa më e lartë për produkte të përpunuara. Prodhimi po kalon nga produkte me koncentrim të lartë, si pasta e domates, në më pak të përqëndruara si domatet e konservuara si tul, salcat e domates etj.

Konsumi i domates së freskët. Deri në vitin 2035, konsumi për frymë i domateve të freskëta pritet të mbetet i qëndrueshëm në 15.2 kg, me tendencë të konsumit të domateve të përmasave të vogla dhe mesatare.
Konsumi i domates së përpunuar. Konsumi në BE i domateve të përpunuara parashikohet të rritet me 1.2% në vit, në mbi 23 kg për frymë deri në vitin 2035. Kjo është për shkak të rritjes së kërkesës për ushqime të përpunuara, ku produkte si pasta e domates dhe salcat kanë një pjesë të konsiderueshme të tregut.

FERMERË! Nisur nga të dhënat statistikore, përqasjen e produktit në treg, BE-ja paraqet një qëndrueshmëri të sektorit me një mundësi ndryshimi të formës së prodhimit (varietete për treg dhe përpunim) dhe krijimin e partneriteteve me përpunuesit e domates, apo me aktorët kyç të tregtisë.

“NOA Financon, NOA Këshillon”