07.01.2025

Këshillimi Smart - Investimet agro-voltaike, tashmë një risi

Investimet agro-voltaike, tashmë një risi

Investimet Agro-voltaike janë një mënyrë për të përdorur të njëjtën sipërfaqe toke për të prodhuar më shumë ushqim, duke nxjerrë gjithashtu më shumë burime të energjisë së rinovueshme. Bimët/pemët që kultivohen nën hije kërkojnë më pak ujë, nuk dëmtohen nga rrezatimi i tepërt dhe ndërkohë ndihmon për të mbajtur më të ftohtë temperaturën nën panele, duke maksimizuar efikasitetin e paneleve. Përveç kësaj, agro-voltaikët mund të reduktojnë ndjeshëm konsumin e ujit duke krijuar një mjedis më të freskët dhe më të lagësht poshtë paneleve diellore. Kjo është veçanërisht e rëndësishme në rajonet që përballen me mungesë uji, ku bujqësia tradicionale kërkon ujitje të rëndë dhe rrezatimi diellor shpeshherë është dëmtues për prodhimin.

Kosto dhe kush janë kulturat që përshtaten për agro-voltaikët?

OKB-ja vlerëson se popullsia globale parashikohet të rritet me rreth 2 miliardë njerëz në 30 vitet e ardhshme dhe se kërkesa për ushqim për të njëjtën sipërfaqe toke do të jetë më e lartë. Prandaj, shkencarët në botë po përpiqen të gjejnë zgjidhjet më të mira për të menaxhuar këtë fenomen të pandalshëm. Agro-volatikët janë një nga zgjidhjet efikase.
Dy llojet kryesore të paneleve diellore që përdoren zakonisht në bujqësi janë panelet diellore me ekspozim në një anë dhe ato me ekspozim nga të dyja anët. Kosto e investimit për një sipërfaqe prej 0.5 ha kushton rreth 200,000€ dhe ka një kthyeshmëri investimi në 4 vite.
Kulturat si lakra jeshile, brokoli, spinaqi, domatja, panxhari, sallata, speci fushës, karrota dhe rrepat janë tolerante ndaj hijeve, apo blegtoria dhe funksionojnë shumë mirë nën panelet diellore. Në Evropë, janë testuar prova të suksesshme që kanë treguar gjithashtu se edhe gruri, jonxha, rrushi dhe bimët aromatike kanë siguruar rendimente të kënaqshme gjithashtu nën panelet diellore.

“NOA Financon, NOA Këshillon”

Këshillime të tjera