Këshillimi Smart - Skemat kombëtare të granteve në blegtori dhe shpendari

Skema e granteve kombëtare për stalla

Blegtoria në Shqipëri paraqet një potencial të madh zhvillimi për shkak të kushteve natyrore të favorshme dhe traditës së gjatë të këtij sektori. Me standardizimin dhe certifikimin e produkteve blegtorale, Shqipëria mund të shfrytëzojë tregjet e Bashkimit Evropian dhe rajonale për eksport. Kjo kërkon përmirësim të cilësisë dhe përmbushje të standardeve të BE-së në sigurimin e mirëqënies së kafshëve dhe të sigurisë ushqimore.

Grantet e investimeve të akorduara nga Qeveria Shqiptare përfshijnë  sektorin blegtoral, të shpendëve dhe të rritjes së derrit, nëpërmjet skemës së mëposhtme:
- Ndërtimin e ambienteve për mbarështimin e kafshëve dhe  stabilimenteve për rritjen e shpendëve, me kapacitet jo më pak se 10 (dhjetë) lopë, jo më pak se 100 (njëqind) të imta, jo më pak se 10 (dhjetë) dosa dhe jo më pak se 10,000 (dhjetë mijë) shpendë.

Masa e përfitimit të jetë në 50% të vlerës totale të faturave tatimore,  por jo më shumë se 15,000,000 (pesëmbëdhjetë milion) lekë për subjekt. Fermerët mund të aplikojnë për këto grante deri në 8 Nëntor 2024.

Dokumentet për fermerët që të aplikojnë për këto grante

· Formulari i aplikimit sipas Aneksit përkatës;
· Dokumentin  e regjistrimit në QKB që vërteton statusin e aplikuesit (individ, subjekt me status fizik, juridik, SHBB);
· Plan biznesi i printuar dhe në CD i detajuar për 5 vjet;
· Dëshminë e penalitetit për aplikantët me status fermer, person fizik dhe për aksionerët për aplikuesit me status juridik, SHBB; (në gjykatë dhe prokurori, për NIPT-in dhe si invidid);
· Raporti i kredimarrësit nga Banka e Shqipërisë/ banka të nivelit të dytë për aplikuesin (për personin dhe NIPT-in);
· Oferta origjinale për ndërtimin e stallës;
· Dokumenti origjinal ose fotokopje e noterizuar e lejes së ndërtimit;
· Planvendosje e strukturës së projektit/ leja zhvillimore, preventivi nga personi i licencuar, projekti konstruktiv, projekti arkitekturor, projektet elektrike/hidraulike/MKZ si dhe relacionet përkatëse;
· Vërtetimin e lëshuar nga Drejtoria e Tatimeve që vërteton se aplikuesi ka përmbushur detyrimet tatimore dhe sigurimet shoqërore;
· Dokumenti i pronësisë së tokës ose qirasë, për të paktën 5/7 vjet duke filluar nga viti i aplikimit, certifikata e pronësisë, harta treguese dhe kartela e rifreskuar e pasurisë (kartela duhet të jetë lëshuar jo më herët se 3 muaj para aplikimit) ose akti i marrjes së tokës në pronësi (AMTP), sipas legjislacionit për ndarjen e tokës bujqësore, bashkëlidhur me fragmentin e hartës kadastrale, që konfirmohet nga ASHK dhe Bashkia.

FERMERË! Kontaktoni degët e NOA-s në rrethe për të marrë këshillimin e duhur nga ekspertët tanë profesionistë të dedikuar për procesin e aplikimit dhe në të njëjtën kohë njihuni me produktin financiar adekuat për të mbuluar pjesën tuaj të investimit prej 50%.

“NOA Financon, NOA Këshillon”