Këshillimi Smart - Prodhimi dhe fluksi i tregtisë së karrotës

Kultivimi i karrotës dhe kërkesa e tregjeve

Karrota (Daucus carota) është pjesë e familjes Apiaceae (Umbelliferae) me një përdorim të gjerë në formën e saj të freskët, të gatuar ose në lëngje, dhe është një nga perimet rrënjësore shumë e vlerësuar. Karrota ka përmbajtje të lartë antocianidine, karotenoid dhe fibra, me efekte antikancerogjene, antioksiduese, parandaluese të sëmundjeve kardiovaskulare dhe redukton zhvillimin e shumë sëmundjeve.

Shqipëria ka një rënie të sipërfaqes së kultivuar me kulturën e karrotës me rreth 30.5%, që reflekton një mungesë prodhimi me rreth 43% krahasuar me vitin 2019.

Nga të dhënat e tabelës së mësipërme marrë nga UNSTAT, rezulton që Shqipëria importon një sasi të konsiderueshme me karrota, rreth 1,092 ton, kryesisht nga Turqia (52%) dhe Greqia (49%). Eksportet kanë një volum të ulët, me rreth 441 ton, ku furnizohen në sasi të pakta të gjitha vendet ballkanike dhe disa tregje perëndimore. Konsumi i karrotave për frymë në BE vlerësohet të jetë rreth 6-8 kg për person në vit, ndërkohë që Shqipëria konsumon 3.6 kg për frymë.

Prodhimi i karrotës dhe flukset e eksporteve në BE

Prodhimi i karrotës në BE ka shenja luhatjeje, kryesisht me prodhuesit kryesorë, duke përfshirë Poloninë, Francën, Gjermaninë dhe Hollandën. Megjithatë, importet luajnë gjithashtu një rol, veçanërisht jashtë sezonit, nga vende si Izraeli, Maroku dhe Senegali që furnizojnë tregun e BE-së. Prodhimi i karrotës në BE është afërsisht 5-6 milion ton në vit, një prodhim që ka pasur luhatje gjatë viteve të fundit. Në Francë, prodhimi për tregun e freskët fillimisht përfitoi nga moti i favorshëm, por stuhia dhe reshjet e mëdha të shiut në muajin Nëntor çuan në probleme logjistike dhe ulje të rendimentit, duke i mbajtur çmimet të ngritura mbi nivelet e vitit 2023. Edhe pse Polonia që është prodhuesi i tretë më i madh i karrotës në BE, pas Gjermanisë dhe Francës, ka pasur një rënie prodhimi në vitet e fundit. Thatësirat e shkaktuara nga ndryshimet klimaterike në Poloni në dekadën e fundit kanë dhënë efekte negative në prodhimin e karrotës.

“FERMERË, VENDOSNI NË PLANET TUAJA TË INVESTIMIT AKTIVITETE BUJQËSORE ME KËRKESË TË LARTË TREGU”

Ndërkohë gjatë 4 viteve të fundit, Turqia mbetet lider në furnizimin me karrota në tregun e BE-së me një vëllim prej rreth 40,000 tonë. Nga analizat parashikohet që tregu i karrotës të rregjistrojë një rritje prej 5% gjatë periudhës 2024 deri në 2032.

“NOA Financon, NOA Këshillon”