Këshillimi Smart - Risku klimaterik në bujqësi

Menaxhimi i ndryshimeve klimaterike në bujqësi

Bujqësia në të gjithë globin ka specifikat e veta që kryesisht varen nga agroteknika dhe kushtet e motit, ku ndikimi i ndryshimeve klimatike në bujqësi është i jashtëzakonshëm. Veçoritë klimatike në ditët e sotme nuk janë të njëjta si më parë. Duke analizuar se si ndryshimi i klimës ndikon në bujqësi, rezulton që bujqësia duhet të adoptojë metoda që nuk i kanë provuar kurrë më parë. Ndryshimet klimatike po ndikojnë ndjeshëm në të vjelat, rendimentet, blegtorinë, tokën dhe burimet ujore, në të ardhurat e komuniteteve rurale dhe punën në bujqësi. Efektet përfshijnë gjithashtu verë anormalisht të nxehtë dhe dimër shumë të ftohtë, ose anasjelltas, dimër të ngrohtë dhe verë të freskët.

Investimet për menaxhimin e riskut klimaterik

1). Monitorimi i fermës përmes të dhënave/info satelitore. Ky monitorim ofron analitikë të bazuar në imazhe satelitore me rezolucion të lartë për të gjurmuar të gjitha ndryshimet në fermë dhe të dhëna parashikuese të motit në vazhdim mbi temperaturat e ajrit, reshjet, erën, lagështinë, vranësitë dhe sëmundjet në fermë.

2). Shmangien e punimeve të tokës ose aplikim minimal. Mos frezimi i tokës parandalon erozionin dhe promovon sekuestrimin e karbonit, i cili është i dobishëm në lidhje me ndryshimet klimatike dhe bujqësinë. Kjo metodë redukton varfërimin e tokës, përmirëson klimën dhe mjedisin e saj natyror. Një tokë me mungesë të lëndëve ushqyese ndikon në klimën dhe bujqësinë pasi nuk është e dobishme për asnjë bimë.

3). Diversifikimi dhe rotacioni i kulturave bujqësore. Qarkullimi i kulturave është një metodë e vjetër dhe efikase bujqësore që ka rezultuar të jetë e suksesshme në menaxhimin e barërave të këqija dhe dëmtuese, si dhe në aplikimin e kimikateve. Diversifikimi i kulturave është i dobishëm edhe për biodiversitetin e ekosistemit.

4). Rrjetat mbuluese për fermat. Instalimi i rrjetave mbuluese është një metodë e suksesshme bujqësore që ndihmon në parandalimin e erozionit të tokës, nxit mbajtjen e ujit dhe fiksimin e azotit, mbrojtje ndaj breshërit dhe diellit të tepërt. Mulçërimi konsiderohet si pjesë e këtij investimi duke ndihmuar në zgjidhjen e çështjes së ndryshimeve klimatike.

5). Adoptimi i Bujqësisë Organike. Prodhimi i produkteve organike kontribuon në përmirësimin e mjedisit duke reduktuar plehrat dhe pesticidet me bazë kimike. Për më tepër, fermerët mund të promovojnë zbatimin e lëndëve organike si plehu blegtoral dhe më gjerë.

6). Bujqësia precize nëpërmjet mekanizimit. Sensorët dhe pajisjet e lidhura me internetin mbledhin të dhëna për fermat, veçanërisht përbërjen dhe lagështinë e tokës, apo sinjalizimet rreth klimës dhe masat paraprake të aplikueshme. Si rrjedhojë, mund të ndërtohen skema plehrimi efikase.

7). Grumbullimi i ujit të shiut. Mungesa e ujit është një problem i madh, dhe ujitja në bujqësi është faktor kyç në efektivitet. Mbledhja e ujit të shiut është promovuar në ditët e sotme, sidomos në rastet e disponueshmërisë më të vogël të ujit dhe veçanërisht në zona me pak reshje.

"NOA Financon, NOA Këshillon”