Këshillimi Smart - Trendi i domates

Parashikimi i trendit të domates për 2024-2025

Në Shqipëri, kultivimi i perimeve në sera është një sektor i rëndësishëm i bujqësisë, duke përfshirë një gamë të gjerë perimesh. Domatet janë një nga perimet më të kultivuara në sera në Shqipëri. Teknologjia e përparuar  ka ndikuar në përmirësimin e cilësisë dhe rendimentit të prodhimit. Domatet shqiptare eksportohen kryesisht në tregjet e Evropës Lindore dhe Perëndimore. Prodhimtaria ka tregues të qëndrueshëm, pavarësisht se kemi një rritje të sipërfaqeve në sera.

Referuar UNSTAT, Shqipëria ka një rënie të ndjeshme të eksporteve të domateve, që krahasuar me vitin 2020 është rreth 81% në vlerë financiare dhe rreth 94% në sasi.

Si paraqitet trendi botëror i domates?

Madhësia globale e tregut të domates së freskët dhe salcës së domates vlerësohet në rreth 602 billion USD dhe pritet të zgjerohet me 0.98% gjatë periudhës së parashikimit, duke arritur në rreth 638 billion USD deri në vitin 2028. Nga kjo vlerë, vetëm domatja e freskët arrin një vlerë prej 174.4 billion USD, dhe pritet të arrijë në 233.13 billion USD në 2028. Treguesit e tregjeve janë në rritje për shkak të kërkesës nga sektori ushqimor, prodhimit të shtuar të domates dhe futjes së varieteteve të reja të domates. Megjithatë, kjo rritje ndeshet me pengesa si kushtet e pafavorshme klimatike, infrastruktura joadekuate e ruajtjes së domates, dhe luhatshmëria e çmimeve të domates.

Siç vërehet në tabelën e mësipërme, tregu Europian i domates është shumë i favorshëm për vende si Shqipëria për tu shfaqur me produkte cilësore dhe të standartizuar.

“NOA Financon, NOA Këshillon”