Këshillimi Smart - Trendi i shalqinit

Parashikimi i trendit te shalqinit per 2024

Shqipëria paraqet stabilitet në kultivimin e shalqinit, veçanërisht në rajone të tilla si Divjaka, Lushnjë, Rrogozhinë, Lezhë etj. Në vitin 2023, Shqipëria prodhoi 281,354 ton shalqi, duke treguar një rritje nga vitet e mëparshme.

Nga analiza e tregtisë së këtij produkti vihet re një rënie e ndjeshme e esporteve krahasuar me vitet 2020 apo 2021.

Kjo rënie ka shkaktuar një humbje ekonomike që përllogaritet me rreth 5 milion USD/vit.

Si paraqitet trendi europian i shalqinit?

Statistikat tregojnë që në vitin 2023, tregu global i shalqinit u ul me -2.8%, pra në 66.7 miliardë dollarë për herë të parë që nga viti 2020. Në muajin Korrik 2024, ndërsa Evropa Lindore dhe Ballkani Verior dhe Perëndimor hyjnë në sezonin e prodhimit të shalqinit, Spanja, Greqia, Turqia dhe Italia janë tashmë në periudhën e pikut të prodhimit. Pavarësisht ofertës adekuate, kërkesa ka qenë dukshëm më e ulët për shkak të motit me re dhe me shi në vendet kryesore të Evropës Perëndimore dhe Veriore. Çmimet e shalqinit kanë rënë ndjeshëm, varietetet me fara në rreth 0,30 USD/kg dhe varietetet pa fara kanë rënë në 0,45 USD/kg. Në Shqipëri, çmimet e blerjes në fermë kanë rënie në 0,15 USD/kg, me një kontrast të thellë me Italinë ku çmimi është 0,90 USD/kg.
Pavarësisht luhatjeve të vogla, ekspertët ndërkombëtarë vlerësojnë që tregu global i shalqinit parashikohet të rritet me një ritëm të konsiderueshëm gjatë periudhës së parashikimit, midis 2024 dhe 2032.

Siç shikohet edhe në tabelën e mesipërme vendet e rajonit që kultivojnë kulturën e shalqinit nuk janë ndikuar nga problemet e prodhimit, aksesit të tregjeve dhe luhatjeve të çmimeve. Ndërsa Shqipëria paraqitet me një rënie të theksuar të performancës së eksporteve si pasojë e mungesës së vizionit për të aksesuar tregjet potenciale.     

“NOA Financon, NOA Këshillon”