Programi "Leader for a Day" në NOA

Programi “Leader for a Day”, i organizuar nga Junior Achievement Albania, na solli sërish pranë energjisë dhe ambicies së brezit të ri. Edhe këtë vit, NOA pati kënaqësinë të mirëpresë dy gjimnazistë nga shkolla të ndryshme të Shqipërisë, të cilët patën mundësinë të njihen nga afër me funksionimin e një institucioni financiar.
Përgjegjëse për t’ua përcjellë përvojën dhe për t’i udhëhequr gjatë ditës së tyre në NOA ishte drejtoresha e ESG dhe Komunikimit të Brandit, e cila ndau me ta eksperiencën e saj profesionale dhe i njohu me proceset vendimmarrëse, vlerat institucionale dhe rëndësinë e zhvillimit të qëndrueshëm.
Ky program është një urë lidhëse mes arsimit dhe botës së punës dhe një mundësi e shkëlqyer për të rinjtë që synojnë role drejtuese në të ardhmen.
Për ne në NOA, është gjithmonë një privilegj të mbështesim dhe të fuqizojmë talentet e reja!