Konferenca vjetore e MFC

Në Konferencën Vjetore të Qendrës së Mikrofinancës (Microfinance Centre – MFC), të mbajtur këtë vit në Gjeorgji me temën “Shifts, Shocks, and Solutions: Microfinance in the Shadow of Geopolitics”, NOA mori pjesë për të ndjekur zhvillimet më të fundit në sektor, për të ndarë përvojën e saj dhe për të forcuar më tej angazhimin ndaj sfidave që mikrofinanca përballet sot në një realitet të ndikuar nga dinamika gjeopolitike.

Gjatë këtij eventi të rëndësishëm, NOA u vlerësua për suksesin e fushatës “Kreditim i Zgjuar”, një nismë e dedikuar promovimit të huamarrjes së përgjegjshme dhe rritjes së edukimit financiar në vitin 2024.

Ky vlerësim iu dorëzua Drejtoreshës së Përgjithshme Ekzekutive të NOA-s, znj. Herjola Spahiu dhe është një dëshmi e rëndësishme e përkushtimit të NOA-s në fuqizimin financiar të individëve dhe komuniteteve që u shërben.

Fushata “Kreditim i Zgjuar” synoi të ndërgjegjësojë qytetarët mbi rëndësinë e informimit të plotë përpara marrjes së një kredie, duke përfshirë kuptimin e kushteve të kredisë, normave të interesit dhe aftësive për menaxhimin efektiv të saj.

Në NOA besojmë se zhvillimi i qëndrueshëm nuk mund të arrihet pa njohuri dhe vendimmarrje të informuar. Për këtë arsye, angazhimi ynë shkon përtej financimit, duke përfshirë gjithashtu edukim financiar për individët, sipërmarrësit, fermerët dhe bizneset që mbështesim çdo ditë.