1 Qershor plot dashuri me fëmijët e Kryqit të Kuq

Si çdo vit, 1 Qershori është një ditë që NOA dhe ekipi ynë i kushton rëndësi dhe përkujdesje të veçantë.

Në festën e fëmijëve, ishim pranë të vegjëlve të Kryqit të Kuq, duke organizuar për ta një ditë të mbushur me dhurata, lojëra, argëtim dhe shumë buzëqeshje që na frymëzuan dhe na mbushën me energji pozitive. Kjo ditë e veçantë u organizua edhe falë kontributit të çmuar të stafit të NOA-s, për ta bërë festën sa më të gëzueshme.

Për NOA-n, fëmijët dhe e ardhmja e tyre janë një prioritet i rëndësishëm. Do të vazhdojmë të kontribuojmë për zhvillimin e tyre vit pas viti, muaj pas muaji dhe ditë pas dite.